My 15th birthday

آجمل يوم آعيشه في كل سسسنه ، هو يوم ولآدتي ،

رغم كل آلمحآولآت آلعقيمه لمضآيقتي في هذآ آليوم

آلآ آنني لآ آجد مجآل لـ آن آعطيهآ لو آلقليل من آلأهميه

هو آليوم آلذي يجمع كل آحبآبي حولي ،

كل من يهتم لـ آمري ، ينتظر آلدقآئق آلآخيره

قبل حلول هذآ آليؤم لـ يكونوآ آول من يتمنى لي آسعآده

في سنتي هذه ،

ؤآعيش سنتي وآنآ في كل يوم يأتني مآيضآيقني

آتذكر هذآ آليوم، آذكر ضحكآته نغمآته وحتى آلحلآويآت

كل هذآ مخصص لي آنآ ،

 هو آليوم آلذي يعطني وقود آلمعيشه

^^ وه بس احب هالانسانة كثير

امممممم اولا كل سنة وانا بخير عقبال 100 عام

صراحة هاليوم يوم ما ينسى وه بس ي حبي للي باركوا لي My family and my friends I love you forever

طبعا فاجاوني شلتي بالمدرسة جايبين لي Cupcake وهدية nutella و غنوا لي happy birthday (:  شعور لا يوصف

حتى البنات اللي ما قد سولفت معهم ولا لي علاقة بهم باركوا لي

الحين بعد ما رجعت من المدرسة مسكت الببي وانواع الاهداءات والتبريكات والاغاني والخرابيط لي شعور لا ينسى

 هههههههه امين السنة الجاية ان شاء الله باليابان

 وه ي ناس الله يخليس لي ي احلا بنت خالة

وه بس حتى عند اخر دقيقة قايمة وتفكرين بي

 I love you ^^

^^ هع هع الدودة حبيبت ألبي الله يخليس لي

 ^^ thanks my friend and i love you forever

  In the end, my sister I love you very much ^^

نجي الحين لحلا بنت خالي العزيزة

والمفاجأه انه اول حلا تزينه بحياته O_o

بس صراحة كشخة تنكتب بالتاريخ اول حلا تزينه زينته لي

والحمدلله والصلاة على اشرف الانبياء والمرسلين

جانيه ~..

مخططاتنا يوم الأربعاء بعد المغرب

طبعا كل اللي سوينا بالسريع بدون تخطيط سابق < عصر السرعة ههههه

بدايتنا  ~

وحنا نسولف أنا وشلتي جت على بالنا فكره انو نطلع مع بعض ونشوي فخططنا نطلع بالحديقة أول شي ثمن غيرنا رأينا وقلنا نستأجر شاليه أزين  < < كل ذا التخطيط وحنا بالمدرسة . وكان بنفس اليوم

اتفقنا انو كل وحده تجيب شي وأنا ي حبي لي جبت بيتنا كله (:

( خبز ، سفرة ، صحون وكاسات بلاستك ، موية = ماء ، خلطة للشيبس ، صحن للدجاج ، فحم ، كبريت ، منقل أتوقع كذا اسمه حق النار ، كاتشب  )

شلتي

 ( شيبسات بكل الأنواع ، مشروبات < ببسي وسفن ، كاسات ، الشبكة حقت الدجاج صراحة نسيت اسمه ،

 دجاج ، لابتوب ، سماعات ، خيار )

بعد المدرسة ~

قلت لأهلي عن الموضوع  وثمن قلت لنونا ( أختي فتون اصغر مني ) تجهز له ملابس عشان تروح معي  حتى جوالي ما شاء الله كل شوي يدق أو تجين رسالة اللي يسال متى بنطلع واللي يقول أنا احتمال أجي ....الخ

بالشاليه ~

وصلنا أنا ونونا أولا وجلسنا عند الـ Tv  حوالي 10 دقايق و جو الباقين جلسنا نسبح تقريبا ساعتين ثمن رحنا نأكل شيبس وخرابيط ونسولف ونرقص لما جت الساعة 11 قلنا يلا بنشوي جلسنا نحاول بالنار عيت تشتعل قلت ما في إلا أدق على محمد ( اخوي الكبير ) عشان يجي يولع النار دقيت عليه وقلت له انه النار عيت تشتعل قال معكم فحم وكبريت قلت أي قال خلاص دقائق وأجي  وجاء وجاب مع بنزين عشان يولع النار ولعه وقال لي اصبروا لا تحطون الشوي على طول خلوها تصير جمر وكذا ثمن راح وتعشينا وكل نفر راح لبيته الساعة 1  أخر من راح أنا ونونا  

الصور ~

  

     المسبح

الطرب والرقص

النار قبل

الدجاج 

حوستنا بالحوش   

النار بعد

  الشكل النهائي< < بالعافية علينا  

     وبعد يوماً تملأه الإثارة والمتعة تم وبحمدالله الوصول الى السرير ونوم نوما عميقا هع

ملاحظة : بعض الصور تصوير جوال

먼지×먼지 o_O ( غبار )

{환영}...

صبحنا بخير على يوم جديد ^O^ بس ما شبعت نوم <<(احباط) . اول شي اشوفه لما اقوم من النوم دريشتي ( النافذة / 창 ) لأنة قدامي . بهالوقت انا انهبلت ( اندهشت/ 나도 놀랐어 ) وشو ذا ياربي رحمتك هذا حلم ولا علم الجو غبار قوي لدرجة البيوت اللي جنبنا ما اشوفهن زين  تخيلوا على هالصبح حنا دايم متعودين على سماء صافية وهواء بارد  يالله من فضلك بس قدر الله على هاليوم انه يصير كذا فتحت جوالي بشوف الساعة كم كانت 6 ونص قلت بنفسي غريبه امي وخواتي ما قاموا شكلنا بنغيب اليوم رجعت كملت نومي < ما عنده وقت الاخت . فجأة امي تطق الباب تقول قوموا ( بتستغربون إني ما قلت بغيب بقولكم ليش لاني احب شي اسمه مغامرة مرة وحده ما تضر ههههه ومعلومة بسيطة : مدرستي قريبة من بيتنا يعني اغلب الاحيان اروح له رجلية  << ما شاء الله علي اسوي رياضة . ما احتاج سيارة الا لحالات الضارورة او اذا صرت عجزة اتحرك من الكسل -_- alooah كانت رايحة لكليته بس رجت ما قدرو يمشون من الغبار نقلهم الحبيب قايلهم اذا ما عندكم اختبار ولا شي مهم برجعكم لبيوتكم لان اغلب النقول رجعوا البنات  وانا الشاطرة وصلت المدرسة ودخلت المبنى كان كله غبار وماتشوفون زين من الغبار مدري ايش كان مزاجي لما قلت بجي < عكس الناس . طبعا البنات انواع اللي يكح واللي حاط منديل وانا كنت لابسة كمامة امي الله يعافية عطتنا قبل لا نروح . طبعا جلسنا نحتري ( ننتظر ) المديرة تجي عشان تقول ما فيه دراسة اليوم لما جت قالو لنا يلا ما فيه دراسة وكل شخص راح لبيته " اول مرة اجلس بالمدرسة 3 دقايق ثمن اطلع للبيت حسيت نفسي رحت اسلم عليه ورجعت هههههههههه" المهم وانا بالطريق انا وصديقتي نسولف طلع رجل من بيته شكله مدرس لانه كان رايح لمدرسة العيال المهم يبتسم ويقول ما شاء الله البنات طلعوا من المدرسة ليش ما تجون تدرسون بمدرسة العيال ضحكنا وصلت للبيت بالسلامة ^_^ وانطلقت لسريري ونمت ما قمت الا الساعة 12 الظهر  بس تصدقون الجو نفسه ما تغير ما راح الغبار الا الساعة 4 العصر 

{ 안녕 } .. 

يوميات مدرسة و ...

قبل الحفل كان نشاط  بس كل الانشطه مخلصين أعمالهم يعني ما عندهم شي يزينونه فجلست مع شلتي اسولف ثمن رحت لنشاطي المصلى  تخيلوا ما لقيت الا  4 طالبات والمشرفة حقتنا جالسه تسولف برا طبعا إنا ادخل واطلع على كيفي عايشه جوي سولفت مع بنات المصلى ولعبنا كم لعبه للترفيه فقالت وحده احتمال اليوم ينزل برد ( الثلج الأبيض الدائري ) فقلت لا تزلقين ( أي لا تحلمين ) لان الجو كان شمس حر فقالت وحده ثانية  عادي تذكرين الفصل الأول كان الجو شمس زي كذا وطلعونا بدري لأنه جاء مطر .

رحت  للقاعة حقت الحفل وهو حفل افتتاح ملتقى البر ( المصلى ) فجلسوا معلمات النشاط يجهزون الأركان حقاتهم ويعدلونهن وآنا امشي وأتفرج احتريهم يوخرون ( يذهبون ويبتعدون ) عشان أصور طبعا إنا معروفه عندهم إني المصورة حقت المدرسة يعني كل ما صار فيه حفل ولا شي يبون يصورونه يطلبونن< < شفتوا الحركات هههههه.  بعد ما خلصت تصوير رحت لبست لبس الضيافة عشان أضيف المعلمات والإشراف إذا جو لما وصلوا كانت صديقتي برا عند الباب تعرفون ذيك الحركات حقات الوسادة وفوقه مقص ايوا هذي هي كانت ماسكتهن عشان المديرة تقص شريط الافتتاح اللي عند المدخل  << مسويين فيها كشخه ههههه. طبعا إنا كنت عند الباب من الداخل أرحب فيهم أعطيكم مثال على شكلي ذاك الوقت  تعرفون اليابانيين اللي يوقفون عند الأبواب  بالمحلات وبكل مكان إذا دخل شخص بيشتري يرحبون فيه ويقولون له " أوهايو قوزيمس أو شي زي كذا " بالضبط إنا كذا

بدت العروض وكل نفر جالس بكرسي << يعني مثلا وين تبينهم يجلسون فوق الطاولة ولا بالأرض . بدأ الحين شغلنا حنا الضيافة صبينا العصيرات للناس ودرنا بالحلا والفطاير والحلاو والقهوة أهم شي طبعا الإشراف أول ناس نبدأ نعطيهم كل ما نجيب لهم حلا ولا فطاير ما يدرون إلا الطبق الثاني بعده هم يبتسمون وباين انهم من جوا يقولون خلاص يكفي ما راح نقدر نأكل كل ذا أنا مايته ضحك عليهم وأجي أقولهم ما راح تطلعون من هنا الا وانتم سمينين فضحكوا بعدين لما خلص الحفل رحت وزعت باقة الورد وكل ما عطيت وحده ورده قامت تمدح

كل ما أجي عند وحده تأخذ ورده حمرا لما وصلت للمعلمات اللي ورا قالوا لي ما في حمرا جيت قلت لهم المرا الثانية بنحطهن كلهن حمر ههههه  أستاذة المصلى قالت لي الباقي حطيهن على مكتب المديرة تصدقون ما بقى إلا 3 ورود رحت لغرفة المديرة وكانت موجودة فقالت لي كم اخذ وحده قلت له اللي تبين وانا من جوا أقول وحده تكفيك ههههه ^o^  . بقى 2 أخذتهن لي رجعت للبيت والجو حر شمس عطيت وردتي الثانيه اخيتي فتون ورحت ادور شي بدرجي و لقيت دفتري حق الذكريات أيام الطفه لما كنت بزر هههه قلت خلين اجلس اقرأ واضحك عاد تصدقون كنت كشخه كنت احط  كل سطر بلون لا وبعد كنت ابدأ بكلمة " اليوم يوم جميل ...." عاد تخيلوا  الجو صار مطر وغيوم والشمس اختفت سبحان الله طبعا أمي تنادين تقولي تبين تروحين معنا ندور بالمطر إنا شي طبيعي بقول إيه  هم يحترونن بالسيارة وآنا جالسه ادور عبايتي عقدتي اخ بس وابوي يطنب بالبوري يعني بسرعة  من العجلة ما مدان البس نقابي فأخذته معي وغطيت وجهي بالطرحة فلما وصلت للسيارة بحمد الله لبسته

هذي صورتين من المطر

جلسنا نستريح ونصلي والبزارين راحوا يلعبون بالماء امونيه ( أختي كادي )  طاحت ( سقطة ) بالماء وبغت تغرق 7_7 من الهبلة أنا صنمت عجزت أتحرك و أبوي كان يكلم صديقه من الهبلة رمى جواله ولحق عليه وجابه ياربيه كانت كل ملابسه ماء بس الحمد لله ما صار له شي رجعنا للبيت وعلى طول رحت لسرير عشان أنام  -O-  وما قمت إلا الساعة 6

ويلا انـــيـــو في يوم أخر ^O^

يوم جميل مع المطر ^_*

يااااااااااااااااااااااااااااااااي من زمان ما دخلت << بس اني ما اشتقت

الجو اليوم خطنطر إنما إيه سبحانه دايم بعد الغبار مطر بما انه أول يوم بالدراسة فا شي طبيعي إن النوم ما انتظم جلست إلى 3 الليل وأحاول أنام وأنام لأني عارفه نفسي إذا ما نمت بصير مدري وشلون بس غش غش ما نمت زين كله من ساعة أختي على بالي بتوقف جلست استني لما طفشت منه قمت سكرته حظ أختي إني ما كسرته وارجع أنام وتجي أمي تقومنا وافتح جوالي وأشوف الساعة كم 6:5 وأقول تونا وارجع أنام طبعا أنا  ما أقوم إلا إذا جث الساعة 6:37 لما تجهزت وخلصت نزلت تحت ولبست العباية ويلا انطلاق < تستهبل على هالصبح , وصلت للمدرسة عاد وتبدأ السواليف مع شلتي < هذي شغلتنا لق لق لق , ما درسنا إلا الحصة الأولى بعد المفروض ما ندرس بس الشكوى لله بس تصدقون الجو كان جميل جداً جداً ما نعرف وحده اسمه miss شمس ههههههه جلسنا نسولف إلى نهاية الدوام المهم وأقول بنات فصلنا كذا : ( بنات تخيلوا وحده تنتحر من فوق السطح < متأثرة بالأفلام) , اللي يقول وناسه واللي يقول يمه يخوف واللي يقول بتجيه عقده نفسيه جت الطلعة وكل نفر راح لبيته إلا أنا وصديقتي هع هع هع مسكناه دوجه مين الغبي اللي بيفوت مثل هالجو ويلا نجلس ندور بالشارع والمطر كل ماله يقوى ( يزيد ) أم الوناسة والهوا باااااااااااااارد من شدة البرودة البعيد ما نشوفه وحنا نمشي تجي صديقتي تقول لي شوفي ذاك اللي هناك وأنا أناظر وين توقعوا وشو انه شي جميل خيل وراكب فوقه ولد عاد هنا حنا أم القهر نبي خيل طبعا حنا ما غير نقول غش غش نبي خيل مثله وش حيثه جالس يتمشى بالجو الزيين مع خيل صراحة أم القهر بس كان عايش جوه  طبعا بقولكم الجو وشلون كان بالتفصيل " الشمس ما شفناه ابد ابد تشوفين فوق كله غيوم والمطر ما شاء الله ما وقف وقوي والهوا قوي مرا وبارد والأرض كله ماء × ماء ومع تساقط المطر يطلع لهن أشكال دوائر ونقط والرعد قوي صديقتي انقزت ( نطت وقفزت << أحلا  ترجمه يا ناس ) علي من الخوف الجو يجنن يعني ببساطه مثل المسلسلات الكورية واليابانية إذا جاهم مطر  وفيه ضباب خفيف أقول لصديقتي تبين أجيب بكرا إن شاء الله مظله للاحتياط  < أنا عشت الجو " رجعت للبيت ولقيت استقبال من امونيه ( أختي كادي اصغر وحده ) وتركض وتخمن ( تحضنن ) < حسيت إني أصور مسلسل وأنا مدري هههههه , طبعا كانت عبايتي كله ماء وجزماتي ( وانتم بكرامه ) كله ماء حتى من جوا حسيت إني لابسه مسبح والمر يول بعد ماء حسيت إني سبحت دخلت البيت ولقيت أمي بالصالة قالت توكم تطلعون من المدرسة عاد أنا قمت استهبل  وأنا اضحك قلت لا نظراً لهذه الأجواء المفاجأة وتغير الطقس اضطريت لتأخير موعد العودة للبيت هي ما قالت شي بس  قالت حطي عباتس بالغسالة وعلى طول غيرت ملابسي من البرد وأقوم وأدور لي جكيت طبعا حنا  طلعنا ملابس الصيف من الدولاب ودخلنا ملابس الشتاء من زمان بس حظي إني ما دخلت جكيتي والبسه ثمن نزلت اتغدى ورحت نمت وما قمت إلا الساعة 6 المغرب فتحت اللاب وجلست اكتب وهذاي بروح أزين لي كابتشينو

الطريقه سهله وبسيطه تصلح للعجازين امثالي :_

(1)

(2)

(3)

(4)

ثمن جلست اتابع مسلسل بعدين تعشيت ورجعت اتابع واحتمال ينطفي الكهرب بأي وقت لان المطر و الرعد ما شاء الله ما توقفن  ابد مستمرات  بدون توقف وصوت الرعد  قوي ويخوف  بس انه شعور جميل بنفس الوقت

سؤال للمشاهدين << صدقت نفسه

كم مرآ قلت كلمة جميل ؟!

Wednesday and Thursday

الأربــــــــــعــــــــــاء

كنت يوم الثلاثاء تعبانة وما رحت للمدرسة وكان علي اختبارين رياضيات وحديث فبيوم الأربعاء رحت للمدرسة أول ما دخلت المدرسة يالله صباح خير تجي زميلتي تسلم علي وتقول  لي سلامات وادخل للفصل وأنا شايله هم الاختبارات زيادة عليهن حق يوم الأربعاء فقه لما جلست بالكرسي وتجي صديقتي تقول لي ترى اليوم الأستاذة بتاخذ دفاتر الرياضيات عاد أنا احترت أكمل مذاكرة ولا أكمل الدفتر( طبعا هي اهم شي عنده الدفتر واغلب الدرجات عليه وهي الله يهديه كثير كتبه باليوم الواحد نكتب 5 صفحات) أول حصة فقة واختبرنا والحمد لله جاوبت وانا كنت شايله همه لاني ما درست الدرس الأخير J  وخلصت دفتري الرياضيات الحصة الثانية

وبالفسحة مثل كل يوم نجلس على الكراسي ونسولف انا وشلتي ( شلتي عبارة عن 3 بنات وأنا الرابعة ) طبعا شريت عصير من المقصف بس المشكلة انه بارد وانا تعبانه وتعيجزت ارجعه فطبعا قلت لصديقتي تعطين عصيره وتأخذ حقي لان حقه مب بارد  دق الجرس وجت الحصة الرابعة اللي هي رياضيات ودخلت المعلمة وجميعنا وقفنا لتحيتها امزح امزح اصلا ما نسوي كذا المهم جت سالت اللي غايبين يوم الثلاثاء وأنا من منهم ليش غايبين فقلنا تعبانين قالت لا تقولون تعبانين يعني سبحان الله امس ( اللي هو الثلاثاء) تعبانين واليوم ما فيكم شي وتجي تقول بكل ابتسامة مافيه اختبار محد قال لكم تغيبون كان جيتو تختبرون وثمن طلعتو عاد انا هنا ما قدرت اسكت وطلعت من شنطتي الدواء ورفعته بيدي بكل ابتسامة وانا أقول : أســتاذة شوفي الدليل على اني تعبانه  وتضحك ويبتسمون البنات بس أبشركم بالأخير اختبرتنا أي صح تراه ما أخذت الدفاتر وأنا يا قلبي من اليوم اكتب بس زين أهم شي كملت دفتري  

هــذي صورت دوآي :

الــــــــــــخــــــــمــــــــيس

طبعا أنا من سنة سحي ومطري وكل خميس  أقول اذا جاء الخميس اللي بعده  ان شاء الله ارتب غرفتي ترتيب كامل بس اتعيجز اما هاليوم قررت اني ما ااجل وارتب فبديت انا ونوني ( اخيتي فتون بسادس ابتدائي  ) نطلع كل الاغراض حبه حبه غرض غرض << ترا ما تتطنز على القذافي J ,  فقلت لنوني حطي الفراش بالسطح عشان يتشمس شوي وهي تنادين تقولي تعالي شوفي الغيوم انا طنشته على بالي تقصد شكلهن يعني زي الفلم كرتون دايم على شكل ارنب ودب وهالخرابيط جلست اكمل الترتيب إلما اصبحت الغرفة فااااااااارغه < متأثرة بالعربي , فتأملت  الغرفه وهي فاضية حسيته غرفة ثانيه بعذري دايم غرفتي حوسه مدري الا واسمع ذاك الصوت القوي اللي جاي من برا توقعوا وشو ؟ مـــطـــــر عاد هنا الكشره مبسوطه اول شي جاء ببالي الفراش اللي فوق فرحت انطلق ( تعبير لمعنى اقصى السرعة ) فالحمد لله لقيت نوني العزيزة منزله الفراش نزلت تحت لقيت العائلة الكريمة جالسين بالحوش وابويا راكب السياره بيروح فجلست ازين اغراض غرفتي وجت عندي بنت خالي( اصغر مني بسنة ) فتقريبا خلصت الساعة 4 ونص ( تخيلوا بديت من الساعه 11 وخلصت 4 ونص العصر) فجلسنا نسولف ونشوف صور إلى  الساعة 5 فاقترحت عليه نروح للمراجيح ( حديقة ) قالت اوك بس بروح اجيب عباتي قلت له طيب ولبسنا عباياتنا وطلعنا اهم شي قبل لا نروح رحنا للبقالة  وتقضينا بطاطسات كانت المراجيح فااااااااضية ما فيها احد إلا السيارات يروحن ويجن جلسنا هناك تقريبا إلى الساعة 8  رحنا لم جدتي ( أم أمي ) وجلسنا نسولف وكركر وضحك بسم الله الله لا يضرنا كان وقت مبارات الهلال والنصر انا صراحة مالي بالمبارات بس اللي ضحكت عليه ان النصر ما يطلعون من مبارات الا وهم متخانقين خلو المبارات على جنب المهم تعشينا ورحنا نشوف فلم رعب حق دمى وارواح وخرابيط  بس صراحة يجنن وشفنا بعده فلم ثاني بس غبي غبي ما دري وش يبي من الحياة حتى بنت خالي نامت بنص الفلم قامت على الاخير ولما خلص قالت لي فهمتي قصته قلت له صراحة مدري وش قصته  :

الغيووم

المراجيح

ثــــــــــاني يــــــوم

يوم عادي و بسيط مافيه احداث  

قمت من النوم ولقيت hdoOoly  مرسلة لي رسالة ولما فتحته وافرح ذيك الفرحة اللي ما تتصورونه كاتبه : {  الكتاب اللي تبينه رحت لمعرض الكتاب وشريته لس } وهذي صورته يالبيهـ :.

ملاحظة { هالرواية لي سنة وانا ادوره بكل مكان بس للاسف ما لقيته }  

فبعد ما قريت هالرساله رحت افطر ورتبت غرفتي <<< ما كان لي نفس ارتبه بس امي الله يهديه حلفت علي J

ثمن تروشت ونزلت تحت لقيت اختي الحبيبة تصلح عشاء <<<< اهم شي عنده بطنه ههههه ورحت لبيت جدتي ( ام امي ) كانو مجتمعين بالملحق ( المشب ) مولعين نار ( من البرد ) ف اللي يسولف واللي يلعب واللي فاتح على الاخبار جلسنا على حالتنا كذا إلى ما جاء العشاء  وبعد ما تعشينا امي قالت لي روحي سكري باب الشارع  ودخلي البزارين جوا لان الجو برا كان برررد فا دخلت البزارين << تراهن ثنتين بس هههه .  الا واشوف ذاك الكائن الاسود الغريب اللي منسدح على التراب بين الدبابين ما ناقصه الا عصير برتقال هع هع المفاجأة طلع كلب داخل من الباب< < هذا جزاء اللي ما يسكر الباب  فانا سويت نفسي فهيمه وقمت اقوله اطلع وأأشر له على الباب فـ قام ينبح علي <<<< كلب وينافخ بعد ( فيس معصب) يستاهل بالاخير طلعوه غضبن عليه وبعدين رجعت للملحق بعد صراع وصراخ مع الكلب اللي مدري من وين طلع أي صح  نسينا الطبق الاساسي اهم شي مع النار ابو فروهـ ( الكستناء ) هو طعمه لذيذ بس مو ذاك الزود طبعا انا نسيت اصوره فا صورته على اخر شي << الباقي يعني :) 

انــيــو حـان وقـــــــــت الـــنــــوم

ان شاء الله بكرا يكون يوم مليء بالاحداث

{ أستودعكم الله الذي لا تضيع ودائعه }