ثــــــــــاني يــــــوم

يوم عادي و بسيط مافيه احداث  

قمت من النوم ولقيت hdoOoly  مرسلة لي رسالة ولما فتحته وافرح ذيك الفرحة اللي ما تتصورونه كاتبه : {  الكتاب اللي تبينه رحت لمعرض الكتاب وشريته لس } وهذي صورته يالبيهـ :.

ملاحظة { هالرواية لي سنة وانا ادوره بكل مكان بس للاسف ما لقيته }  

فبعد ما قريت هالرساله رحت افطر ورتبت غرفتي <<< ما كان لي نفس ارتبه بس امي الله يهديه حلفت علي J

ثمن تروشت ونزلت تحت لقيت اختي الحبيبة تصلح عشاء <<<< اهم شي عنده بطنه ههههه ورحت لبيت جدتي ( ام امي ) كانو مجتمعين بالملحق ( المشب ) مولعين نار ( من البرد ) ف اللي يسولف واللي يلعب واللي فاتح على الاخبار جلسنا على حالتنا كذا إلى ما جاء العشاء  وبعد ما تعشينا امي قالت لي روحي سكري باب الشارع  ودخلي البزارين جوا لان الجو برا كان برررد فا دخلت البزارين << تراهن ثنتين بس هههه .  الا واشوف ذاك الكائن الاسود الغريب اللي منسدح على التراب بين الدبابين ما ناقصه الا عصير برتقال هع هع المفاجأة طلع كلب داخل من الباب< < هذا جزاء اللي ما يسكر الباب  فانا سويت نفسي فهيمه وقمت اقوله اطلع وأأشر له على الباب فـ قام ينبح علي <<<< كلب وينافخ بعد ( فيس معصب) يستاهل بالاخير طلعوه غضبن عليه وبعدين رجعت للملحق بعد صراع وصراخ مع الكلب اللي مدري من وين طلع أي صح  نسينا الطبق الاساسي اهم شي مع النار ابو فروهـ ( الكستناء ) هو طعمه لذيذ بس مو ذاك الزود طبعا انا نسيت اصوره فا صورته على اخر شي << الباقي يعني :) 

انــيــو حـان وقـــــــــت الـــنــــوم

ان شاء الله بكرا يكون يوم مليء بالاحداث

{ أستودعكم الله الذي لا تضيع ودائعه }